Þakka góðan fund í gær, sunnudag, og skemmtilega fyrstu æfingu. Með vísan til fundarins er athygli vakin á því að unnt er að ná í mig í GSM-farsímanúmerið 895-4850, heimasímanúmerið 555-3803 eða með tölvupósti, This email address is being protected from spambots. You need JavaScript enabled to view it..
Þá vek ég enn fremur athygli á breyttum æfingatíma á föstudögum, þ.e. úr kl. 17 í kl. 18. Fyrri færslu á síðunni hefur verið breytt í samræmi við þetta.
Frá og með sunnudeginum 9. nóvember verða æfingatímar hjá meistaraflokki kvenna sem hér segir:
Sunnudagar kl. 14-15 (íþróttahúsið á Álftanesi, futsal). Þriðjudagar kl. 19:30-21 (Garðabær, minni völlur). Fimmtudagar kl. 20-21:30 (Garðabær, æfingavöllur). Föstudagar kl. 18-19 (íþróttahúsið á Álftanesi, futsal).
Ráðgert er að áætlun þessi gildi þar til um miðjan desember. Frekara framhald er óráðið en mun skýrast vonandi svo fljótt sem verða má.
Æfingar verða í umsjá undirritaðs. Af því tilefni vil ég boða leikmenn meistaraflokks til stutts fundar fyrir fyrstu æfingu á sunnudag, kl. 13:30, í félagsaðstöðunni í íþróttahúsinu, en þar mun ég kynna stuttlega hvers er að vænta á næstu vikum.
Stelpurnar í mfl.kv í fótbolta keppa í undanúrslitum Íslandsmótisin í futsal á laugardaginn kemur. Þar keppa þær við úrvalsdeildarlið Selfoss kl. 15:30 á Selfossi. Þær eru staðráðnar í að vinna þann leik og komast í úrslitaleikinn sem verður á sunnudaginn kl. 12:30. Við óskum stelpunum alls hins besta og vonum að Álftanes komist í úrslitaleikinn. Áfram Álftanes !