Álftanes - Grótta, stutt endurgjöf

Sælar, stúlkur. 

Stutt endurgjöf vegna leiksins á þriðjudag. Hörkuleikur þar sem við náðum snemma leiks að sýna okkar bestu hliðar. Skilaði það tveimur frábærum mörkum. Misstum svolítið dampinn þegar leið á leikinn og í síðari hálfleik áttum við undir högg að sækja. Vorum þó mjög hættuleg fram á við og sköpuðum okkur urmul marktækifæra. Skilaði það einu marki til viðbótar. Grótta náði að skora eitt mark en í raun var sigur okkar aldrei í hættu. 

Heilt yfir er ég mjög ánægður með frammistöðu okkar og við erum smám saman að ná jafnvægi í leik okkar. Mér finnst að undanförnu við hafa náð að halda knetti vel innan liðs, a.m.k. kafla í leikjum, og ég sé framfærir í leik okkar sem fram kemur í auknu jafnvægi og ýmsum litlum atriðum, s.s. hvernig markaskortun dreifist og engir leikmenn skera sig úr. Mér finnst þetta eðlilegt því við æfum mikið hringinn og að halda knetti innan liðs og að hreyfa okkur eftir ákveðnum leiðum, bæði í sókn og vörn, og við æfum sem lið. Slíkt skilar sér en tekur að sjálfsögðu tíma. Þurfum að halda áfram að reyna að lengja spilakafla þar sem við höldum knetti vel innan liðs og hugsa fyrst og fremst inn á við og um að bæta okkur.   

Birgir Jónasson þjálfari.

Kappleikur í Íslandsmóti gegn Gróttu, tilhögun

Sælar, stúlkur. 

Sömu stúlkur og síðast eru boðaðar í kappleikinn á morgun sem hefst kl. 18:30. Mæting kl. 17 í íþróttahúsið. 

Birgir Jónasson þjálfari. 

Breyting á dagskrá, æfing á morgun, sunnudag

Sælar, stúlkur. 

Tökum æfingu á morgun, sunnudag, frá kl. 17:30. 

Mjög létt æfing. Þær stúlkur sem eru tæpar taka einvörðungu skokk og teygjur (15-20 mínútna teygjur). 

Birgir Jónasson þjálfari. 

Álftanes - Fjarðabyggð/Höttur/Leiknir, stutt umfjöllun

Sælar, stúlkur. 

Ætla fjalla örstutt um leik okkar í gær.

Náðum að sýna ýmsar sparihliðar og hluti af fyrri hálfleik var hreint frábærlega leikinn og einn sá besti sem við höfum leikið í sumar. Héldum knetti vel innan liðs, leystum vel úr pressu (með samleik), vorum þolinmóðar og höfðum stöðulega yfirburði á flestum sviðum. Vorum kannski ekki að skapa okkur mörg afgerandi marktækifæri, þrátt fyrir að skora tvö mörk í hálfleiknum.  

Síðari hálfleikur var ekki eins vel leikinn, en segja má að mark úr vítaspyrnu mjög snemma hálfleiks leyfði okkur að slaka á klónni. Síðari hálfleikur einkenndist mikið af því að liðin skiptust á að sækja og mikið þóf var inni á miðjunni. Vorum ekki eins þolinmóð í síðari hálfleik. 

Heilt yfir er ég mjög ánægður frammistöðuna. Gott flæði var á knetti og við höfðum spilalega yfirburði inni á vellinum. Mér fannst hugarfar leikmanna gott og við nálguðust þetta verkefni af fagmennsku, öll sem eitt.  

Birgir Jónasson þjálfari.