« Myndir frá UMFÁ gegn Reyni Sandgerði | Heim | Tölfræðin gegn Mostra »
UMFÁ sigrar Mostra í Stykkishólmi
Ritað af finnurtg | February 21, 2010
Mostri tók á móti UMFÁ á heimavelli sínum í dag. Ljóst var í upphafi að Mostramenn yrðu fáir og þreytulegir eftir fögnuð gærkvöldsins á bikartitli Snæfellinga í Subway bikarnum.
Leikurinn var nokkuð hraður til að byrja með. UMFÁ misnotaði ekki þriggja stiga skot fyrstu mínúturnar og uppskar vænlega stöðu eftir fyrsta fjórðung, 30-17, þar af Almar með 9 stig og Gísli með 5 stoðsendingar og körfu frá miðju á lokasekúndu, sem fagnað var með hópsöngi Gísla til heiðurs.
Annar leikhluti byrjaði vel fyrir Álftanes og var munurinn mest 18 stig, 35-17. Þá tók við jafn hluti þar sem liðin skiptust á að skora og leikhlutinn fór 15-13 fyrir UMFÁ. Samtals 45-30 í hálfleik.
Þriðji leikhluti einkenndist af töpuðum boltum og engu sóknarfrákasti Álftaness. Á móti kom að pressuvörn Álftaness framkallaði tapaða bolta hjá Mostra og verri skot. Leikhlutinn fór 16-15 fyrir Álftanesi og liðið alls búið að tapa 15 boltum.
Fjórði leikhlutinn var svipaður þeim þriðja þar sem liðin skiptust á að tapa boltum og spila nokkuð stífa vörn. Sumir myndu segja of stífa. Leikhlutinn fór 16-16 og sigur UMFÁ í höfn, 77-61.
Með sigri þessum hefur Álftanes nánast tryggt sér efsta sæti B riðilsins þegar þrír leikir eru eftir. Tölfræði kemur síðar.
Flokkar: Óflokkað |
February 22nd, 2010 at 16:51
Heyrst hefur að Dorrit hafi dansað um allt Álftanesið með Óla á bakinu þegar hún fékk fregnir af þessum sigri.
February 22nd, 2010 at 18:06
Það er ekki mikið verið að minnast á Bözzer hjá gamla !!
February 22nd, 2010 at 22:55
Þú gleymdir að kalla spjaldið! Var samt hrikalega flott skot og verðskuldar athygli.
February 23rd, 2010 at 12:43
…hahahaah……Finnur !!!….og skot frá miðju !!!…..er þetta allt !!?….fór skotið ofan í ??
Ég treð bara í næsta leik og fæ vonandi betra comment á það !!
February 24th, 2010 at 22:19
Mig grunaði að fólk geti lagt tvo og tvo saman. Annars legg ég til að þú ritir pistlana hér eftir. Ég ræð ekki við þetta.