Ferð á landsleik og breyttur æfingatími á morgun, fimmtudag
Á morgun, fimmtudag, er ráðgert að fara og horfa á landsleik Íslands og Danmerkur hjá A-landsliði kvenna. Leikurinn fer fram á Laugardalsvelli og hefst kl. 19:30.
Stúlkur þurfa að mæta við íþróttahúsið kl. 18:30 en lagt verður af stað í framhaldi og eigi síðar en kl. 18:45.
Ráðgert er að foreldrar/forráðamenn leggi til þær bifreiðar sem til þarf. Ármann R. Úlfarsson ætlar að leggja til bifreið og fara á leikinn. Líklega mun svo þurfa eina til tvær bifreiðar í viðbót en ekki er skilyrði að þeir sem ekið geta fari á leikinn heldur er fullnægjandi að viðkomandi geti selflutt stúlkur fram og til baka.
Af þessu tilefni verður æfingin á morgun frá kl. 16:30 til 17:30. Mun Guðbjörn Harðarson annast hana en sjálfur verð ég fjarri góðu gamni.
Birgir þjálfari.
