Fjölnir - Álftanes, endurgjöf

Sælar, stúlkur.

Örstutt endurgjöf frá leiknum á föstudag. 

Kaflaskiptur leikur þar sem við vorum nánast áhorfendur í fyrri hálfleik og lékum afleitlega. Getum prísað okkur sæl með að hafa aðeins fengið á okkur eitt mark, en mark Fjölnis kom snemma leiks. Í síðari hálfleik var allt annað uppi á teningnum og við betra liðið á vellinum, einkum framan af. Skilaði það okkur frábæru jöfnunarmarki þegar tíu mínútur lifðu eftir af leiknum (Elsa), en á þeim tímapunkti höfðum við fengið tvö frábær marktækifæri. Fleiri urðu mörkin ekki og þar við sat. 

Heilt yfir er ég bæði ánægður og vonsvikinn með frammistöðuna. Í fyrri hálfleik lékum við annað kerfi en vanalega og það gekk hreinlega ekki. Þetta kerfi hefur þó gengið hjá okkur áður, oft og tíðum mjög vel. Hvers vegna ekki í þetta skiptið hef ég ekki einhlítar skýringar á. Þetta fer í reynslubankann hjá okkur og sýnir með ágætum að knattspyrna er liðsíþrótt og taktískur leikur. Upp úr stendur að við snérum við blaðinu, bættum leik okkar í síðari hálfleik svo um munaði og náðum á endanum að verja stigið. 

Birgir Jónasson þjálfari.