Hlaupaárið 2018

29216719 10210362226682385 5790430037524142363 nNýtt hlaupaár er hafið hjá Skokkhópi Álftaness.

Á meðal helstu markmiða hópsins í ár eru eftirfarandi hlaup:

Stjörnuhlaupið fer fram 19.maí. Í boði eru 5 og 10 km. Frábær umgjörð er um hlaupið hjá vinum okkar í Stjörnunni og fjöldi veglegra útdráttarvinninga.

Miðnæturhlaup Suzuki er ávallt haldið í kringum jónsmessu, að þessu sinni fimmtudagskvöldið 21. júní. Í Miðnæturhlaupi Suzuki eru þrjár vegalengdir í boði; hálfmaraþon, 10 km og 5 km. Hlaupið hefst á Engjavegi nálægt Laugardalshöll og endar í trjágöngunum við þvottalaugarnar í Laugardal.

Snæfellsjökulshlaupið er krefjandi og skemmtilegt utanvegahlaup sem er halið 30. júní. Hlaupið er frá Arnarstapa yfir jökulháls til Ólafsvíkur á Snæfellsnesi, um 22 km leið. Lang stærsti hluti hlaupsins er malarvegur. Fyrstu 8 km þarf að hlaupa uppí móti í c.a. 700 metra hæð síðan tekur hlaupaleiðin að smá lækka þar til komið er til Ólafsvíkur.

Reykjavíkurmaraþon Íslandsbanka er ómissandi hluti af hlaupasumrinu hjá Skokkhópi Álftaness. Reykjavíkurmaraþon fer fram í 35. sinn laugardaginn 18. ágúst 2018. Fyrsta Reykjavíkurmaraþonið fór fram árið 1984 en þá tóku 214 hlauparar frá átta löndum þátt. Árið 2017 tóku rúmlega 14 þúsund manns þátt í hlaupinu. Í boði eru 10 km, hálft og heilt maraþon. Að hlaupi loknu hittist hópurinn og fagnar saman.

Hópurinn tekur þátt í fjölda annarra hlaupa á árinu, fer í hlaupaferð í sumar út fyrir borgarmörkin og heldur árlegan haustfagnað að loknu keppnistímabili.

Einnig er starfræktur gönguhópur innan skokkhópsins.

Skráning í hópinn fer fram í Nóra: https://alftanes.felog.is

Kveðja,

Hlauparáð Skokkhóps Álftaness

 

Skokkhópur Álftaness "starfsár 2015"

aaa1Undirbúningur fyrir hlaupaárið 2015

Hlauparáð Skokkhóps Álftaness hefur komið saman og skipulagt árið með útgáfu Hlaupa- og viðburðadagskrár fyrir árið 2015. Þar eru tiltekin hópamarkmið og önnur áhugaverð hlaup, ásamt því að aðrir viðburðir eins og samskokk, fjallgöngur, grill og haustfagnaður er á dagskránni. Skokkhópurinn fer til Amsterdam í október á árinu og hafa margir þegar skráð sig í hlaupið.
Skokkhópurinn
Æfingaáætlun: Siggi P. hefur verið fenginn aftur til að setja saman fyrir okkur æfingaáætlun sem verður hópamiðum í 3 styrkleikum. Er þetta gert til að allir geti byggt sínar æfingar frá svipuðum grunni, en að sjálfsögðu fer ákefð æfinganna eftir styrk hvers og eins. Allir ættu að geta hafið æfingarnar á sama tíma, en að sjálfsögðu fer lengd æfinga eftir magni og markmiði viðkomandi.

Byrjendanámskeið: Byrjendanámskeið verður haldið 13 maí ef næg þátttaka fæst. Siggi P. hefur verið fenginn til verksins ásamt Hinriki Jóni. Er þetta 3ja árið sem Siggi heldur námskeið hér. Námskeiðið gæti líka hentað þeim sem hafa einhvern grunn fyrir.

Hlaupaárið 2014 hjá Skokkhópi Álftaness

altUndirbúningur fyrir hlaupaárið 2014

Hlaupaárið 2014 er hafið og byrjaði bara vel með góðri veðráttu í janúar og það sem liðið er af febrúar. Mæting í hlaup hefur verið vonum framar strax frá byrjun árs og haldist bara viðunandi, miðað við það að oft hefur verið nokkuð hvasst og kalt á köflum, en klaki og hálka hefur einkennt það sem liðið er af árinu. Nú hefur daginn tekið að lengja verulega, svo það er orðið bjart á meðan æfingum stendur.

 Hlauparáðið hefur komið saman og skipulagt árið með útgáfu Hlaupa- og viðburðadagskrár fyrir árið 2014. Þar eru tiltekin hópamarkmið og önnur áhugaverð hlaup, ásamt því að aðrir viðburðir eins og samskokk, fjallgöngur, grill og haustfagnaður er á dagskránni. Ræddum við líka möguleika á því að skokkhópurinn færi í erlent hlaup á næsta ári “2015”, en ekkert var fest í þeim efnum heldur ákveðið að byggja hópinn betur upp í sumar og ákveða svo í haust hvort af yrði.