Sú breyting hefur verið gerð á fyrirkomulagi Íslandsmóts að liðum hefur fækkað um eitt og aðeins verður leikið á morgun, laugardag. Mögulegt er frekari breytingar verði.
Eins og þetta lítur út núna er dagskrá leikja eftirfarandi:
Á laugardag og sunnudag, 14. og 15. júní, verður leikið í Íslandsmóti í sjö manna knattspyrnu. Um ræðir fyrri umferð af tveimur í sumar þar sem leiknir verða fjórir leikir á tveimur dögum. Leiktími er 2 x 30 mínútur.
Verður leikið á Álftanesi í umrætt sinn en síðari umferðin fer fram í ágúst á Dalvík. Leikir helgarinnar verða sem hér segir:
Allir iðkendur flokksins eru boðaðir. Allmikil forföll eru fyrirsjáanleg og því er brýnt að öll frekari forföll verði tilkynnt. Það auðveldar skipulagningu.
Stúlkur þurfa að mæta kl. 12 á laugardag í íþróttahúsið, því sem næst fullbúnar til leiks, með allan tiltækan búnað meðferðis og helst í fatnaði merktum félagi. Stúlkur eru hvattar til þess að hafa með sér nesti milli leikja umrædda daga og/eða tryggja það að hafa aðgang að nesti.
Foreldrar/forráðamenn eru svo hvattir til þess að koma á leikina og hvetja liðið til dáða. Áfram Álftanes!
Frí verður frá æfingu á annan í hvítasunnu, mánudaginn 9. júní.
Næsta æfing er svo á þriðjudag kl. 17:15 en frá og með þeim degi verða æfingar á mánudögum, þriðjudögum, miðvikudögum og fimmtudögum frá kl. 17:15 til 18:30, Ráðgert er að sá æfingatími haldist út sumarið.
